тепкіншек

зат.

Жас бала атқа міну үшін пайдаланатын ұлттық әбзелдердің бір түрі. Қазақ халқында 5—6 жасар баланы атқа мінгізу дәстүрі бар. Осы дәстүр бойынша ең алғаш атқа мінгізілген баланың аяғы үзеңгіге жетпейтін болғандықтан, оған арнайы тігілген тепкіншек қолданылады. Тепкіншекті түрлі-түсті жүн, жіптен термелеп тоқылған өрнекті басқұрдан немесе шұғадан т.б. қалыңдау матадан астарлап қоржын секілді тігеді де, бетін кестелейді. Тепкіншекті ердің үстіне салады, оның екі басына бала екі аяғын салып отырады.